Министерот Џафери се сретна со евроамбасадорот Жбогар
Актуелната политичка состојба во Македонија и модалитетите за нејзино надминување преку целосно ангажирање на сите фактори, биле клучните теми на кои попладнево разговарале министерот за правда Валдет Џафери и евроамбасадорот Самуел Жбогар.
Како што соопшти Министерството за правда, станало збор и за обврските на Македонија кои произлегуваат од Извештајот на Прибе, како и од Венецијанската комисија.
- Предизвиците со кои се соочува Република Македонија гравитираат околу обврските кои треба да се исполнат за членство во Европска унија и НАТО, било посочено на средбата.
Министерот Џафери изразил задоволство од досегашната соработка и поддршката на ЕУ на патот кон реализирањето на проектите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа