Средба на потпретседателката на СДСМ Шекеринска со европратеникот Бутикофер
Ставовите и пристапот на Европската Унија кон Македонија, закажаните предвремени избори за 11 декември во државава и евроатлантските интеграции и аспирации, биле теми на средбата на потпретседателката на СДСМ Радмила Шеќеринска со Рејнард Бутикофер, член на Европскиот Парламент од Европската партија на зелените.
- И покрај сите случувања, поддршката за влез во ЕУ останува на високо ниво според сите анкети, а Шеќеринска потенцираше дека визијата на СДСМ е да ја види Македонија како дел од Европската Унија, се вели во соопштението од СДСМ.
Шекеринска, според соопштението, на средбата навела дека претстојните изборите ќе бидат пред се за конкретни решенија, а не за висока политика.
- Отсекогаш сме имале консензус за евроатлантските интеграции во државава како нешто корисно и неопходно. Но, во последните 10 години, гледаме дека Владата, иако начелно за влез во ЕУ, не направи ништо конкретно за да го постигне тоа, посочила, како што стои во соопштението, Шекеринска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
