Костадиновски: Не очекувам да се укинат ЕУ средствата за македонското земјоделство
Не очекувам да се укинат ЕУ средствата за Македонија, посебно во земјоделството, зашто за сите мерки, насоки и одредници што ни беа дадени изготвивме соодветна програма во соработка со релевантни европски претставници, рече заменик-министерот за земјоделство, шумарство и водостопанство Ванчо Костадиновски по денешната работилница за европските субвенции и земјоделските статистики.
Одговорајќи на новинарско прашање во однос на претстојната ЕУ ревизија, Костадиновски истакна дека Програмата е доставена до Европската комисија и се чека одговор.
- Во очекување сме на одговор од ЕУ. Засега немаме сигнал дека Програмата ќе биде одбиена или нема да се одобрат средства за поддршка на македонското земјоделство, напомена заменик-министерот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа