Гореше авион на скопскиот аеродром - што се случуваше вчера на „Александар Велики“?

Вчера  во периодот од 09.55 до 10.10 часот од страна на полициски службеници од полициската станица  за граничен премин -Аеродром „Александар Велики“-Скопје, во содејство со другите служби на Аеродромот, спроведена е вежба  за опожарен систем за гориво во воздухоплов на аеродром. Поточно, по претходно изготвено сценарио,  при слетување се пали системот за гориво на воздухопловот и од страна на  противпожарна бригада при ТАВ-Македонија и контрола на летање, истиот се паркира на безбедна позиција за да не ги загрози останатите паркирани воздухоплови и аеродромската зграда. Вежбата е изведена во врска со координација на службите на аеродромот како полицијата, контролата на летање, безбедност при ТАВ-Аеродром „Александар Велики“, Противпожарна бригада на аеродромот, службата за Итна медицинска помош и службите на АРМ кои се во близина на аеродромот.

Со оваа вежба вработените докажаа дека се подготевни да се справат со секаква непредвидлива ситуација на аеродромот.