Нова жртва на патот Демир Хисар - Кичево

Страшна сообраќајна несреќа се случи вчера околу 20.50 часот на регионалниот пат Демир Хисар-Кичево, на крстосницата кај с.Големо Илино. Во несреќата учествувала 57-годишниот К.А. од Кичево кој управувајќи товарно моторно возило марка  „Мерцедес“ со кичевски регистарски ознаки, удрил  во 58-годишниот Ц. М од Кичево, кој стоел до паркирано товарно моторно возило марка  „Фиат Дукато“ со охридски регистарски ознаки.

Имено, К.А. се враќал наназад со товарното моторно возило марка  „Мерцедес“ со намера да му помогне на Ц.М. при влечење на неговото комбе, при што во еден момент го притиснал помеѓу двете возила. Од здобиените повреди Ц.М. починал на местото на настанот. Смрт е констатирана од страна на лекар. Увид на местото на настанот  извршила увидна екипа од СВР Битола, при што возилата се обезбедени за вештачење. По наредба на Јавен обвинител телото на починатиот е предадено за обдукција.