ФОТО+ВИДЕО: Силно невреме во Словенија - поплави и блокирани патишта
Олујно невреме, понекаде проследено со град, ги зафати во понеделник попладне северните и североисточните делови на Словенија, а во текот на ноќта ќе се прошири и на останатите делови на земјата.
Државната управа за заштита и спасување јавува за поплави, одрони на земја и оштетени локални патишта на подрачјето на Словењградец и Шентиљ, додека во Марибор биле поплавени некои подвозници и паѓал град.
Надлежните служби најавуваат во текот на ноќта силни локални бури со дожд и удари на ветер, а во некои делови и град.
Возачите се предупредени во случај на пороен дожд или град, да не запираат под мостовите или во тунелите, бидејќи таму најчесто доаѓа до налети на автомобили и несреќи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа