Истекува рокот за пријавување за субвенции за оризова арпа
До крајот на овој месец оризопроизводителите кои во текот на јули го предале родот на трговците можат да поднесуваат барање за дополнителни субвенции. Потребните документи досега ги поднеле 60-тина земјоделци.
Во подрачната единица на Министерството за земјоделство во Кочани досега за дополнителни субвенции за ориз се пријавиле 60-тина земјоделци.
Оризопроизводителите кои во јули ја предале оризовата арпа од реколтата во 2015-та година ќе добијат од 3 до 5 денари за килограм во зависност од пријавените површини со оваа култура.
Земјоделците кои имаат земјиште до 2 хектари ќе добијат 5 денари за предаден килограм кај откупувачите. За 2 до 10 хектари имаат право на 4, а производителите со пријавено земјиште повеќе од 10 хектари со ориз ќе добијат по три денари за килограм.
Барања за субвенции за произведена и продадена арпа можат да се поднесуваат до 31-ви август.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
