САД изразија сочуство за жртвите од поплавите во Македонија

Соединетите Американски Држави изразија сочувство до Република Македонија за загинатите во поплавите што зафатија делови од земјата. 

- САД изразуваат сочуство до сите оние во Македонија кои се погодени од неодамнешните поплави. Граѓаните на Македонија се во нашите мисли и молитви додека земјата ги оплакува жртвите, повредените добиваат соодветна медицинска нега, а граѓаните се справуваат со загубите и нанесената штета, рече Елизабет Трудо, директор на Канцеларијата за односи со јавноста на Стејт департментот за време на редовниот брифинг во Вашингтон.