Димитриев, Спасов и Миноски на терен во Стајковци - храна и вода за настраданите

Премиерот Емил Димитриев заедно со министерите за труд и социјална политика и финансии Диме Спасов и Кирил Миноски се во посета на Стајковци кое е едно од најпогодените места во силното невреме кое предизивика поплави.

Спасов информираше дека во моментов има доволно количини на храна и вода кои на граѓаните ќе им се делат по населени места. Воедно беше упатен апел, населението да соработува со тимовите кои се на терен и работат на санирање на штетите.

Димитриев и Спасов најавија дека сите жители од загрозените и поплавените подрачја ќе имаат слободни пет работни дена за да се фокусираат кон расчистување на домовите.