ВО ТЕК Е ДРАМА ВО РИО: Судир на полицијата и шверцери на дрога, има мртви и ранети!
Два дена пред почетокот на Олимписките игри во Рио де Жанеиро, во полициска акција во една од фавелите дошло до вооружен судир меѓу бразилската полиција и криумчарите на дрога, кој сеуште трае.
Во судирот во северната фавела Алемао учествуваат 450 полицајци и повеќе десетици криминалци.
Бразилските медиуми наведуваат дека има убиени и ранети, додека АП пренесе дека во акцијата само полесно е повреден еден од полицајците.
АП јави дека полицијата уапсила 10 осомничени криминалци во акцијата во Алемао, една од најопасните фавели во Рио.
Полицијата истрагата против една од криминалните групи во Алемао ја започнала пред една година откако еден од тајните агенти е уфрлен меѓу криминалците.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа