Тереза Меј е нов премиер на Велика Британија
Британскиот премиер Дејвид Камерон денеска ќе ја напушти функцијата, а негово место ќе дојде досегашната министерка за внатрешни работи Тереза Меј, откако на референдумот на 23 јуни Британците го подржаа излегувањето од Европската Унија и со тоа го шокирааа светот.
Камерон денеска ќе ја одржи својата последна седница во Парламентот на која ќе одговара на прашањата на пратениците, по што својата оставка ќе и ја предаде на кралицата Елизабета Втора, во Бакингемската палата, пренесоа француските медиуми.
Според протоколот, кралицата ќе ја повика Тереза Меј да формира влада, а потоа новопоставената премиерка ќе и се обрати на нацијата од пред својата нова резиденција, на Даунинг стрит број 10.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
