Груевски: СДСМ е казнуван од народот 9 пати по ред и не се менува
СДСМ е казнуван од народот девет пати по ред. И не се менува. Напротив, уште толку заглибува во деструктивност, и напор со зла мисла, со лоши дела, со лаги, со деструкција и со сила да дојде на власт. Затоа, и со сета поддршка која ја има, откако што Заев се фали по смс до Мендух Тачи, ,,нивните,, како што вели тој ,,пријатели од надвор,, , со сиот тој ветер во грб, огромни истурени пари на платеници, и деструктивци, мнозинството од народот исто како и младите во УМС, знаат да направат разлика. Ете тоа е денес Македонија, истакна претседателот на ВМРО-ДПМНЕ Никола Груевски на денешната 25 Конференција на Унијата на млади сили.
Тој додаде дека не е основната разлика како што некои ја гледаат меѓу патриоти и предавници.
-Основната разлика меѓу ВМРО и СДСМ е работници и неработници. И за разликата да биде уште поголема, неработниците, ако по нешто се фатат за работа, е како да го срушат и уништат, срботеното, создаденото, изграденото, реформираното од оние кои работат. И кога народот гледа дека максимално работиш, и даваш се од себе за доброто на сите, тој е подготвен и да ти прости некои грешки, бидејки знае дека кој многу работи, тој и греши. И кога народот гледа дека не само што неработиш, туку сакаш и да го срушиш она што друг го сработил, колку и да имал некои симпатии кон тебе, неможе да ти верува, неможе да се потпре на тебе, неможе да не те казни на изборите, посочи Груевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа