Дел од општина Центар утре без вода

Дел од жителите од општина Центар, лоцирани на булеварот „Митрополит Теодосиј Гологанов“ и улицата „Аминта Трети“ утре од 8 часот ќе бидат без вода.

РЦУК Скопје информира дека прекинот е поради отстранување дефект на противпожарен хидрант на крстосницата меѓу булеварот „Митрополит Теодосиј Гологанов“ и улицата „ Аминта Трети“. Прекинот ќе трае се до завршување на интервенцијата.