Поповски: Против „јазлеста кожа“ ќе се вакцинираат 226.000 грла крупен добиток
Порачани се вкупно 250.000 вакцини против болеста „јазлеста кожа“ кај говедата, а ќе се вакцинира целиот фонд крупен добиток или 226.000 грла, информира денеска директорот на Агенцијата за храна и ветеринарство (АХВ) Зоран Поповски.
Поповски кој заедно со заменик-министерот за земјоделство, шумарство и водостопанство Ванчо Костадиновски и европратеничката Маријана Петир беше во посета на фарма во прилепско Мажучиште, повтори дека вакцините треба да стигнат за две недели, а ситуацијата со болеста е под контрола.
-Моментно има осум жаришта каде е детектирана болеста, но е локализирана и се знае дека е пренесена од Бугарија, истакна директорот и додаде дека на фармерите им е наложено да одржуваат високо ниво на хигиена.
За набавка на вакцините државата обезбеди еден милион евра.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
