Доаѓа студено време: БЕГ најави дека утре ќе го пушти парното
Иако грејната сезона официјално заврши на 15 април, „Балкан енерџи груп“ (БЕГ) утре ќе пушти парно за своите корисници.
– Од производство во БЕГ имаат терк по кој пресметуваат кога треба да пуштаат парно, така што и законски се обврзани утре да пуштат – велат од компанијата.
На веб-страницата на „Балкан енерџи груп“ стои известување дека топланите до 30 април ќе останат подготвени заради евентуален рестарт, доколку прогнозираната средна надворешна температура за наредниот ден е еднаква или помала од 12 Целзиусови степени, според податоците од Управата за хидрометеоролошки работи и доколку Регулаторна комисија за енергетика по таа основа донесе одлука за испорака на топлинска енергија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
