ДЕТАЛИ: Еве зошто Шабан и Босанац се степале во „Ѕвездите на Гранд“

На денешното снимање на „Ѕвездите на Гранд“ дошло до физичка пресметка помеѓу Шабан Шаулиќ и Драган Стојковиќ Босанац, објави српски Блиц.

Пресметката се случила поради една кандидатка за која двајцата коментирале. Како што се случува во речиси секоја емисија, дале спротивни мислења и дошло прво до вербална, а потоа и до физичка пресметка. Во студиото владеел целосен хаос, публиката викала, а Марија Шерифовиќ скокнала да ги раздвои двајцата мажи кои се нафрлиле еден на друг.

Поради големата тензија во студиото и стресот, Вики Манојловиќ и Снежана Ѓуришиќ почнале да плачат. Веднаш стигнала единица на Итната помош од една белградска приватна клиника, која на Шабан му пружила прва помош.

Кога се било санирано и тензијата се смирила, снимањето продолжило. 

Редакцијата на Блиц стапила во контакт со актерите на случката за да добијат коментар и додека Шабан веднаш се јавил и рекол „Што ви е гајле со кој сум се степал?!“ и потоа им спуштил слушалка, Босанац чим слушнал за што го бараат ја прекинал врската.