Крв на сите страни - ужасна глетка на улиците во Турција
Шестмина турски војници беа убиени откако бомба со далечински управувач беше активирана во југоисточниот турски округ Дијарбекир. Еден војник е тешко повреден, соопшти извор од безбедносните сили.
Бомбата била поставена на патот Дијабекир-Лиџе, пренесе БТА.
Телевизијата НТВ информира дека бомбашкиот напад е извршен од терористи на Курдската работничка партија (ПКК).
Првично беше соопштено дека експлозијата се случила при преминување на воен конвој.
Бомбашкиот напад беше извршен ден по нападите со автомобил-бомба врз воени автобуси во центарот на Анкара, во кој беа убиени 28 лица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа