Груевски: Продолжува програмата за условен паричен надомест
Програмата за условен паричен надомест ќе продолжи и оваа година, а за таа цел обезбедени се 80 милиони денари кои ќе бидат наменети за околу 6.500 семеjства, чии деца посетуваат средно образование, изјави денеска во општина Илинден претседателот на ВМРО-ДПМНЕ Никола Груевски. Оваа мерка Владата ја усвои уште во јануари на првата седница, а е дел од програмата која што на сите приматели на социјална помош им овозможува доколку децата посетуваат средно образование на редовна основа да добијат поголема финансиска помош.
- Тоа е мерка која што ја воведовме пред 6, 7 години и одлично се одвива, а ќе продолжи и оваа година. Со буџетот што се усвои минатата година и со програмата што се усвои во јануари се планираат 80 милиони денари за шест и пол илјади семејства, финансиска помош за поддршка на нивните деца во средно училиште, рече Груевски.
Досега преку оваа владина мерка доделени се вкупно 360 милиони денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
