Девет лица тешко повредени во Скопје

 Во текот на изминатиот ден на подрачјето на Град Скопје од страна на сообраќајната полиција извршен е увид на вкупно девет сообраќајни незгоди.

Од нив, три се со последица материјална штета и шест се со последица телесна повреда во кои со полесни повреди се здобиле тројца возачи на патничко моторно возило, четворица сопатници, еден пешак и еден велосипедист.

Во текот на вчерашниот ден од страна на сообраќајната полиција откриени и санкционирани се 24 возачи кои не го почитувале ограничувањето на брзината на движење со возилото, 20 возачи се затекнати како го управуваат возилото по истекот на важноста на сообраќајната дозвола или без возачка дозвола. Четворица возачи поминале на црвено светло на семафор, односно не отстапиле првенство на минување на возилата во зона на крстосница, како и тројца возачи кои го управувале возилото под дејство на алкохол и истите се исклучени од сообраќај.

Санкционирани се и 11 пешаци кои поминале на црвено светло на семафор, односно не поминале на обележан пешачки премин.

Со помош на специјалното возило „пајак“ вчера од страна на сообраќајната полиција отстранети се 87 возила кои го попречувале нормалното одвивање на сообраќајот.