Во Кочани на продажба нови 24 парцели градежно земјиште
Општина Кочани нуди на продажба по пат на електронско јавно надавање нови 24 парцели од кои 14 за индивидуално домување, 7 парцели за викенд куќи во СРЦ „Пониква“ и три за индустриски објекти – мало стопанство и лесна иднустрија во градот.
– Последната објава покажа зголемен интерес за плацевите во СРЦ „Пониква“, и тоа од граѓани кои потекнуваат од повеке градови во Македонија. Токму затоа и со оваа објава нудиме атрактивни парцели на „Пониква“, а рокот за поднесување на потребната документација за учество во јавното наддавање е до 20 јануари. Овој рок се однесува и за плацевите за индивидуално домување коишто се на локации во месноста Прокарка, Драчевик и во населбата Оризари, изјави Петар Апостолов, секретар на општина Кочани.
Што се однесува до рокот за пријавување за плацевите за индустриски објекти – мало стопанство, кои се наоѓаат во месноста Лесна индустрија“, Белски Дол и Ќерамидница, Апостолов истакна дека е до 30 јануари. Почетната цена е 61,00 денар за метар квадратен, освен за две градежни парцели за индустриски објекти, за кои е 563,00 денари за метар квадратен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа