Го украл автомобилот на татко му, предизвикал сообраќајка па се самоубил

Четиринаесет годишно дете се самоубило со пушката на својот татко откако претходно му го украло автомобилот и предизвикало сообраќајна несреќа. Трагедијата се случила вчера вечерта во српското село Градиновци.
Момчето заедно со свои пријатели било на слава по што заедно се решиле да го украдат автомобилот. Возејќи се загубиле контрола и излетале од патот при што еден сопатник во автомобилот се здобил со полесни повреди.
Тогаш момчето се вратило дома, ја земало ловечката пушка која неговиот татко ја поседувал со дозвола и извршило самоубиство.