СПЦ влегува во медиумскиот бизнис
Српската православна црква од Бадник, 6 јануари има своја телевизија во Србија, пишува Религија.мк
ТВ. ХРАМ, како што се нарекува телевизијата на Архиепископијата белградско-карловачка ќе се емитува преку кабелските оператори во Србија. ТВ. ХРАМ, како експериментална програма преку интернет почна да функционира на Божик минатата година.
Главен и одговорен уредник на телевизијата е свештеникот Стојадин Павловиќ, а на Бандик беше емитувано и првото интрвју со Српскиот Патријарх, Иринеј. Павловиќ, вели дека телевизијата ќе ги промовира христијанските и универзалните човекови вредности.
Според СПЦ ова е еден од начините како таа како Црква да биде поблиску до верниците.
-Луѓето сакаат да видат нешто, што не се во можност да го погледнат. Сакаат да ја видат програмата на Црквата во видео издание и на тој начин да воспостават и подобра комуникација со СПЦ, велат од Патријаршијата во Белград.
Покрај за Црквата, телевизијата ќе се занимава и со прашања поврзани со работата на институциите кои се занимаваат култура, образование и здравство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
