Николовски од СДСМ вчера се скара, денес ги извиси земјоделците кои измрзнати го чекаа да се појави

Измрзнати на ладното време повеќе од три часа го чекаа земјоделците младиот заменик министер од СДСМ за земјоделие Љупчо Николовски, кој ги извиси и не дојде на претходно закажаната средба пред подрачната единица на министерството за земјоделие во Неготино.

Тие со смрзнати дланки негодуваа за игнорантскиот и нечовечки однос на зaмeник министерот кој очигледно одбира да се слика со партиски членови, наместо со вистински земјоделци.

Претходно најави, а заедно со земјоделците и медиумите го чекаа Николовски кој воопшто не се појави со што уште еднаш се докажа арогантниот и нечовечки однос на СДСМ кон земјоделците.

Неготинските земјоделци сакаа да го прашаат Николовски „Зошто СДСМ го кочи буџетот, а со тоа ја загрозува исплатата на субвенциите кои нив им се важни“.

-Остро реaгираме како земјоделци, они го блокираат буџетот, тоа е срамота, они немаат образ, тие не ги сакаат земјоделците.

Непознавањето на проблематиката и игнорантскиот однос од страна на СДСМ и Николовски го осудија остро самите земјоделци.

-Бевме известени како земјоделци дека ќе дојде заменик-министерот за земјоделие и сакавме да дознаеме за некои работи што се случуваат во земјоделието, но за жал тој не дојде, од кој причини не знаеме, дали се исплаши не знаеме. Чекаме више цел час него го нема.

Вчера Николовски од СДСМ се скара со земјоделците во Велес кој ги искара зошто гласале за актуелната власт и немале потреба да го прашуваат зошто СДСМ го блокирала буџетот.