Драма во воздухот над Белград: Авионот на премиерот не можел да слета поради магла
Цели 45 минути авионот во кој бил српскиот премиер Александар Вучиќ кружел над Белград и не можел да слета на аеродромот „Никола Тесла“ поради густата магла, објави српски „Блиц“.
Откако било увидено дека нема можности за слетување, авионот бил пренасочен кон аеродромот во Ниш, каде што и слетал.
Српскиот владин авион е модел „фалкон“, стар е околу 30 години и, како што пишува „Блиц“, веќе има репутација на проблематичен и малерозен.
Последен пат авионот имал проблем во април годинава кога во него бил претседателот на Србија, Томислав Николиќ. Проблемот се појавил за време на лет кон Ватикан, при што била откажана неговата посета во Рим.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
