Попоски се сретна со шефот на унгарската дипломатија Петер Сијарто
Министерот за надворешни работи Никола Попоски денеска оствари одвоена средба со министерот за надворешни работи и трговија на Унгарија Петер Сијарто, во рамки на работната посета на владината делегација предводена од премиерот Никола Груевски на Унгарија.
- Министрите Попоски и Сијарто разменија и мислења и информации за мигрантско-бегалската криза и безбедносните ризици за Македонија, регионот и пошироко во Европа. Од македонска страна беше искажана голема благодарност за тесната соработка со надлежните унгарски служби во овој домен, вклучително и експертската поддршка во делот на граничното управување, соопшти МНР.
Министрите разговараа и за евроатлантските интеграции во регионот. - Секој што и мисли добро на Европа, треба да придонесе да не се развлекува интеграцијата во НАТО и ЕУ за Македонија, истакна Попоски.
- Од македонска страна беше потврдена благодарноста до Унгарија за принципиелната поддршка во правец на зацврстување на безбедноста во регионот, информира МНР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа