Елтон Џон ја откажа европската турнеја поради здравствени проблеми
Британскиот пејач Елтон Џон ја одложи турнејата откако му беше дијагностицирано воспаление на слепото црево.
На неговата официјална страна се вели дека пејачот ги повикал лекарите откако паднал болен во текот на неговата моментална европска турнеја и дека тој е на третмани со интезивни антибиотици, а се очекува за неколку недели да биде опериран.
Елтон Џон се надева дека ќе се врати на сцената во почетокот на септември оваа година,стои во соопштението на веб страната.
