Радикален исламист кој планирал напад на воената морнарица уапсен во Франција
Францускиот министер за внатрешни работи Бернар Казнев, соопшти денеска дека е осуетен план на еден радикален исламист да изврши напад врз припадници на воената морнарица во пристаништето Тулон.
- Бидејќи една година бил под надѕор поради радикални ставови и поддршка на џихадистичката доктрина, ова лице планирало да стапи во акција, наведе Казнев.
Тој додаде дека станува збор за маж од 25 години, уапсен на 29 октомври, кој и порано бил затворан и обвинуван за терористички активности.
Според некои извори, уапсениот навестил дека планирал да патува во Сирија и да се приклучи кон џихад, но оти сепак одлучил да изврши напад во Франција, бидејќи пасошот му бил одземен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
