„Ќе убијам 200 луѓе па ќе се самоубијам" - Британец се заканувал на Фејсбук
Британец е осуден од судот во Њукасл бидејќи се заканувал преку социјалната мрежа Фејсбук дека ќе изврши масовно убиство.
Се работи за 24-годишниот Рис Елиот кој преку Фејсбук се заканил дека ќе убие 200 лица во САД.
Елиот започнал да ги испраќа пораките во февруари оваа година, влегувајќи на веб-страниците што родителите и пријателите на две малолетни девојки ги отвориле во спомен на нивната трагична смрт.
- „Ќе влезам во својот камион и ќе убијам 200 луѓе пред да се самоубијам“, напишал Елиот на Фејсбук профилот.
Сега тој ќе треба да одлежи казна затвор во траење од две години и четири месеци за заканите кои ги упатувал преку Интернет.
ФОТО: Хитпортал
