Татко ја тепал ќерката со електричен кабел - вистински хорор се случувало во семејство во Тетово
Петнаесетгодишна малолетничка од тетовско Желино, вчеравечер околу 19 часот пријавила семејно насилство што претходно го извршил нејзиниот 37-годишен татко Б.А.
Кога се вратила од училиште, татко и започнал вербално да се расправа со неа, а потоа неколку пати ја удрил со шлаканици, по што зел електричен кабел и продолжил да ја удира со кабелот по грбот и нозете. Набрзо меѓу нив се вмешала бабата на девојчето и го прекинала удирањето.
Петнаесетгодишната малолетничка, попладнето излегла од дома за да го пријави случајот.Во присуство на социјален работник разговарано е со девојчето, а нешто подоцна повикан е и татко и, со кого, исто така, е разговарано и потоа е пуштен, додека девојчето предадено е на Центaрот за социјални работи.
Се расветлуваат сите поединости поврзани со пријавеното и ќе следува соодветен поднесок.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа