Страшна сообраќајка кај Скопјанка - возачот итно пренесен во болница
Едно лице е тешко повредено во сообраќајна несреќа што се случи рано утрово во 4 часот и 45 минути на крстосницата на булевар „Јане Сандански“ и „Кузман Ј. Питу“ во скопската населба Аеродром.
Како што информираат од МВР, пред трговскиот центар „Скопјанка“ патничко моторно возило „ауди“ со скопски регистарски таблици управувано од 45-годишниот И.П. излетало од коловозот и удрило во бетонска жардениера.
Со возило на итна брза помош И.П. е пренесен во градска болница „Св.Наум Охридски“ каде што се констатирани тешки телесни повреди и е задржан на натамошно лекување.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
