Детали за несреќата на автопатот Велес-Скопје: Повредени 4 лица, меѓу кои и двајца мигранти
Во сообраќајката што утрово се случи пред наплатната рампа Отовица на автопатот Велес-Скопје повредени се 4 лица, од кои две лица се македонски државјани, а двајца се мигранти од Ирак. Според информациите од Брза помош од Велес сите се вон животна опасност.
Според информацијата од д-р Кирил Лазов од Брзата помош од Велес, во едно од возилата имало повредено 37-годишна жена од село Добрејци, Струмичко. Тоа е вон животна опасност со повреди на вратот и болки во градите, сопатничката со неа 24-годишна пациентка од истото село е со повреди во грбот. И двете се пренесени на лекување во велешката Општа болница.
Во такси возилото имало повредени двајца мигранти од Ирак. Едниот имал исчашување на рачен зглоб со оток, а вториот повреден во слабинскиот дел на рбетот.
Д-р Лазов со екипата на Брза помош им укажал прва помош, но едниот од нив не сакал да биде пренесен на натамошно лекување во Велешката болница.
Оцени ја веста
10.09.2015 - 12:44
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
