ИД повика на џихад во Турција и заземање на Истанбул

Групата Исламска држава денеска објави видео-снимка на кој го повикува турскиот народ на џихад и за заземање на Истанбул, објави турскиот весник „Милиет“.

Повикот е испратен од командант на ИД, кој минатата година се приклучил на џихадистичката група во Турција.

Видео-снимката содржи и критики до претседателот Реџеп Таип Ердоган и вклучувањето на Турција во меѓународната коалиција предводена од САД за борба против ИД.

Весникот „Милиет“ наведува дека ИД и претходно неколку пати упатила закани кон Турција.