НОВИ ДЕТАЛИ: Имамот бил идеолог - се вршеле обуки за војување во скопската џамија

Имамот на џамиите Тутунсуз и Јаја Паша бил идеологот на групата уапсена во полициската акција која се водела под кодното име „Ќелија“.
Како што донава Press24 од полициски извори, покрај него, се сомничат уште 34 лица за поврзаност со ИСИЛ. Од нив, 9 лица се веќе уапсени а по останатите се трага. Најголем дел од уапсените се повратници од Сирија, додека 20 лица од оние по кои трага полицијата се уште се на боиштата.
Полицијата тргнала во акција уште во 3:30 часот утрово. До сега извршени се 28 претреси во 21 дом, како и во интернет кафе и џамија.
Предмет на претрес биле и две невладини организации „Искра на милоста“ и „Исламска младина“
Сите приведени според информациите до кои дојде Press24 се на возраст меѓу 19 и 49 години. Во акцијата одземени се 38 компјутери, 18 лаптопи, 18 таблети и 119 телефони. ПОкрај ова, најден е и гасен пиштол и одредена сума на пари.
Нашите извори велат дека постои поврзаност на групата со 16те лица кои загинаа во Сирија, а според информациите над 130 лица учествувале во воените дејствија во Сирија.
Истите извори велат дека МВР располага со сериозни докази. Според информациите, се држеле обуки за војување во Тутунсуз џамијата како и во приватни куќи. Се уште не сезнае дали планирале напади во Македонија, но ваквите групации се закана секаде во светот, вели нашиот извор.