Важна вест за сите возачи кои од денеска ќе патуваат кон Охрид

Од денеска е на сила времениот режим на сообраќај во летниот период, кој ќе важи до крајот  на август за државните патишта во Република Македонија.

Се забранува движење на камиони чија вкупна маса преминува 15 тони, за време на викендите и за денови при екстремно високи температури, информираат од Министерството за транспорт и врски.

Измената во временските интервали е следната: петок од 17-22 часот, сабота од 9-18 часот и недела од 9-22 часот. Оваа забрана се однесува за период од 1 јули до 31 август секоја тековна година.

Во деновите со екстремно високи температури, определени од Министерство зa здравство, забранaта ќе важи од понеделник до четврток од 11 до 17 часот.

Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила, кои вршат превоз за компании кои имаат склучено договори за изведување на проекти на државните патишта со ЈП за Државни патишта.

 

 

Оцени ја веста

01.07.2015 - 10:49

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега