По кавгата и пукаше на девојката во чело па си пресуди самиот

Цел град ја оплакува трагичната смрт на двајцата млади нивни сограѓани од Будва, дваесетгодишниот Милош Митровиќ и две години помладата Јована Тодоровиќ. Во средата вечерта два часа пред полноќ Милош го повлече чкрапалото на пиштолот и пукаше во Јована во чело, а потоа си пресуди себе си пукајќи во слепоочницата.

Трагедијата се случила во паркот Милочерски, а кои се мотивите на овој кобен настан ќе останат вечна мистерија.

Она што во четвртокот се зборуваше во населбата било тоа дека Милош и Јована биле во врска пред трагедијата, а наводно дошло до расправија за потоа да се договорат повторно да се видат и да ги решат недоразбирањата.
Кога се слушнале пукотниците веднаш се собрале луѓе од околината случајни минувачи и обезбедувањето од хотелскиот комплекс „Милочер – свети Стефан“, но само ја затекнале страшната слика на изгубените два млади животи.