Данската премиерка повика на предвремени избори во јуни
Данската премиерка Хеле Торнинг-Шмит денеска повика на одржување парламентарни избори на 18 јуни, иако анкетите покажуваат дека нејзината коалиција на левиот центар се соочува со голема конкуренција на опозицијата.
- Данска е повторно на прав пат, излеговме од криза. Време е да ги прашаме Данците дали сакаат да го задржат овој правец, изјави премиерката Торинг-Шмит.
Анкетите покажуваат дека коалицијата на социјалдемократите е 7-8 проценти зад блокот на либералите.
Евроскептичарската Данска народна партија би можела да се најде во коалиционата влада по првпат во својата 20-годишна историја.
Четиригодишниот мандат на премиерката Торнинг-Шмит и истекува на 14 септември, додека опозицискиот блок на десниот центар предводен од поранешниот премиер Ларс Локе Расмусен има предност според најновите анкети.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
