Варшава ќе биде домаќин на следниот самит на НАТО
Следиот самит на НАТО ќе биде на 8 и 9 јули идната година во Варшава, изјави денеска генералниот секретар на Алијансата Јенс Столтенберг.
Средбата ќе се одржи во одлучувачко време на разместување на тектонските плочи на евро-атлантската безбедност на исток и на југ, истакна Столтенберг, нагласувајќи дека Алијансата веќе е во процес на најголемо зајакнување на заедничката заштита од крајот на студената војна.
Во Варшава ќе разговараме за насоката на Алијансата и нејзината усогласеност со новиот амбиент на безбедноста, така што НАТО ќе остане во способност да ги заштити своите сојузници против секоја закана, изјави Столтенберг.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
