На поранешна словенечка министерка за образование и е одземена титулата магистер поради плагијат

На поранешната словенечка министерка за образование Каудија Маркеж и беше одземена академската титула магистер за државни и европски истражувања, откако беше потврдено дека нејзиниот труд е плагијат, јави Танјуг.

Словенечкиот факултет за државни и европски истражувања соопшти дека 37 проценти од нејзиниот магистерски труд или клучниот дел е препишан од дипломската работа на истата тема и поради тоа трудот не може да и се смета за оригинален.

Маркеж беше на функцијата министер за образование само два дена. Таа поднесе оставка на почетокот на април откако се појавија информации за плагијат.