Сноуден би можел да бара спас во балканските земји
Поранешниот соработник на ЦИА Едвард Сноуден може да се крие и да бега насекаде во светот поточно во земји во кои американците немаат потпишано договор за екстрадација. Меѓу нив спаѓаат и земјите од балканот. Поранешниот американски војник има на располагање 60 земји кои го немаат потпишано договорот за екстрадиција со САД. Истиот не може да бара азил во 100 земји кои пак го имаат потпишано ваквиот договор со САД. Од 60-те земји кои што немаат потпишано договор за екстрадиција со САД спаѓаат Кина Русија како и сите земји од поранешна Југославија. Воглавно станува збор за сиромашни и неразвиени земји како што се Авганистан, Камерун, Белорусија, Иран, Мароко, Катар, Саудиска Арабија, Сирија и др.
