Бакрачески: Охрид се сеќава на погубните политики на СДСМ

Суштината на нашето работење е нашиот континуитет, токму затоа во 2013 година граѓаните на Охрид кажаа не за претходниот начин на владеење, од погубните политики на локалната власт и ја покажаа желбата за промени во Охрид.

Нашите дела, наша борба за Македонија – рече воведничарот во сенародниот собир на ВМРО-ДПМНЕ во Охрид Роберт Вељановски.

Прв на присутните на трибината им се обрати градоначалникот на Охрид Никола Бакрачески.

Градоначалникот во својот говор истакна дека во времето на претходното владеење во градот кога сакале да ја презентираат својата програма во спортската сала, не им било дозволено.

- Но, еве сме сега овде во преполна сала – рече Бакрачески.

Но, тој потенцира, ние избравме храброст и верба и сила која ја докажува бројноста на присутните што кажува за силата на ВМРО-ДПМНЕ.

Суштината на нашето работење е нашиот континуитет, токму затоа во 2013 година граѓаните на Охрид кажаа не за претходниот начин на владеење, од погубните политики на локалната власт и ја покажаа желбата за промени во Охрид.

Бакрачески ги наброја загубите во општината, трупањето на долгови на сите јавни претпријатија, затворањето на многу фирми во времето на претходното владеење на СДСМ.

- Но, денес наша грижа е иднината. И ние никогаш нема да ги повториме старите долгови. Ветивме отчетност и одговорност, храбра и верна игра и љубовта кон Охрид, работи кои ќе бидат препознаени во нашата работа – рече Бакрачески.

Конечно додава тој, по 15 години општината повеќе нема долгови и работи продуктивно. Ги спомена сите проекти кои се реализирани во Охрид, инфраструктурни проекти во патишта, водоводна мрежа, плажи, плоштади, спортски игралишта. . .

Охрид прерасна во главен туристички центар со авионски конекции и со реклами на сите големи и важни странски медиуми за промоција на туризмот, рече Бакрачески. Ќе бидат отворени две фабрики, странски инвестиции, во кои ќе бидат вработени 2000 лица.