Штрајк на германските машиновозачи
Германските машиновозачи стапија синоќа во 48 часовен штрајк, барајќи зголемување на платите за пет отсто и намалување на работното време за еден час неделно, јавуваат германските медиуми, додавајќи дека со штрајкот се погодени милиони патници.
Во регионалниот сообраќај наместо 805 ќе бидат ангажирани 244 возови, а според информациите од германските железници моменталната ситуација е стабилна.
Кога станува збор за регионалниот и локалниот сообраќај, се очекува дека денеска и утре за време на штрајкот ќе сообраќаат 15 до 60 отсто од возовите.
Кога станува збор за товарниот сообраќај, медиумите наведуваат дека штрајкот, чија основа е десетмесечниот конфликт во договорот за тарифи меѓу железницата и синдикатите, ќе трае до петок попладне.
Ова е седми штрајк на машиновозачите во борбата за подобри услови за работа.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
