Градоначалникот Стојановски на средба со жителите- му предложија идеи за нови проекти

Градоначалникот на општина Илинден Жика Стојановски и неговиот тим на соработници, вчера остварија средба со жителите на Бучинци, Бујковци и Миладиновци.

На средбите присуствуваа и членови од Советот на општината, директорите на јавните претпријатија и јавните општински образовни институции и раководителите на одделенијата во општинската администрација. Средбите се одржаа во Домот на култура „Бучинци”, во Домот на култура „Бујковци” и во ОУ „Браќа Миладиновци” во Миладиновци.

На средбите граѓаните укажаа на одредени проблеми во нивните населени места, а средбата со градоначалникот ја искористија и да предложат некои свои идеи за реализација на нови проекти.

Од дискусиите на овие средби произлегоа и приоритетните, пред се инфраструктурни проекти, што веднаш на почетокот на градежната сезона ќе почнат да се реализираат во овие населени места.