Мекиците од Стража одлучија да откријат дел од нивната волшебна тајна!

За големо изненадување на сите, Мекиците од Стража одлучија да откријат дел од нивната волшебна тајна за подготвување на извонредни пецива и пекарски производи. Имено, сите љубители и мајстори на доброто готвење наскоро ќе може во маркетите да го најдат новиот производ на Мекиците од Стража – БРАШНО во пакување од 1, 2 и 5 кг.  Се работи за брашно од врвен квалитет – ЕКСТРА БЕЛО, од кое се приготвуваат волшебните Мекици од Стража и сите други превкусни традиционални пекарски производи кои може да се најдат во рестораните на овој наш омилен бренд. Верувале или не, дел од производите на овој бренд имаат волшебна историја која датира од далечната 1942 година.

Извонредниот вкус кој го познаваме со години, сега поумешните домаќинки ќе може да го замесат и испечат во своите домови. Рецептот за Мекиците од Стража сеуште не го откриваат, но на пакувањата можете да најдете рецепт за приготвување на домашни кифлички со овчо сирење. 

Новиот производ, БРАШНО под брендот Мекиците од Стража веќе може да се купи во нивните ресторани, а наскоро ќе го има во секој маркет низ градовите на нашата држава. Станува збор за истото брашно од кое се прават врвните пекарски производи, тестенини, слатки и сите други кулинарски мајстории во кои уживаме кога сме во рестораните на Мекиците од Стража.

Одговорните лица во Мекиците од Стража не информираа дека покрај брашното наскоро планираат и два нови производи под истиот бренд, а тоа се: свежи јајца под името ЗЛАТНО ЈАЈЦЕ и домашни јуфки под името ЗЛАТНИ ЈУФКИ. И овие производи наскоро ќе бидат достапни во сите маркети низ нашата држава.