Јакимовски: СДСМ не може да го покрене своето членство, затоа влегува во агонија на протести
Поранешниот функционер на СДСМ, Стевчо Јакимовски, вели дека СДСМ не може да го покрене своето членство и дека ефектот од нивното сценарио не се остварува.
Тој во гостувањето на Канал 5, вчера рече дека поради оваа ситуација, опозицијата влегува во агонија со протести.
-Сега не може, се гледа дека ефектот не се остварува, не може да го покренат народот, своето членство итн. И сега тоа се продолжува, се влегува во една агонија и таа агонија е ајде сега ќе правиме протести ваму, ќе правиме протести таму. Се користат разни форми.
Значи тоа е веќе видено сценарио кое што јасно не може да даде резултат. На власт не можеш да дојдеш со уцени и со војерство, рече Јакимовски.
На власт можеш да дојдеш само ако имаш подобар политички или пак економски програми, заклучи лидерот на ГРОМ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
