Унијата на средношколци на Денот на пролетта и среќата порачаa дека се за поквалитетно образование

Денес на Унијата на средношколци на Македонија го обележа светскиот ден на среќата.

По тој повод УСМ организираше музички хепенинг во Градскиот парк- на Школка, со познати ѕвезди од македонската музичка естрада.

- Денешниот хепенинг се случува по повод  Денот на пролетта, но исто така е и денот на Среќата. Тука се присутни средношколци од сите училишта во Македонија и ние сме за квалитетно образование. Сакаме средношколците со што повеќе знаење да  се запишат на факултет, изјави Антон Јаковиќ, член на Унија на средношколци.

Хепенингот започна точно на пладне и траеше час и полови, каде што насобраните средношколци се забавуваа со најголемите хитови на ДНК, Симона Поповска, Ламбе Алабаковски, младиот талент Дејан Тасев и средношколскиот бенд при СЕПУГС Васил Антевски Дрен, како и добро познатиот меѓу младите ДЈ Насти.

На Хепенингот присуствуваа над 700 средношколци, кои во одлично расположение едногласно потенцираа дека се залагаат за поквалитетен образование, како би биле поуспешни во академските клупи и подоцна во своите професионални кариери.