Високи суми за обесштетување на поплавените подрачја

Луѓето нема да бидат оставени сами да се справуваат со последиците од невремето. ВМРО-ДПМНЕ стои зад македонските граѓани, ВМРО ДПМНЕ стои зад земјоделците во Македонија и тие уште еднаш ќе почувствуваат што значи да имаш влада која стои зад земјоделецот и оштетениот селанец кога му е најтешко и кога е најпогоден, истакна премиерот Никола Груевски на народниот собир во Битола.

Веќе правиме големи подготовки за сериозна помош и обештетување на граѓаните чии земјишта и имот беа поплавени и разработуваме варијанти за истите да бидат високо обештетени во најкраток можен рок. При крај е Извештајот за штетите од поплавите кој го работат Комисија од централната власт, општинските комисии и експерти од Светска банка. Истиот ќе ни биде предаден во конечна верзија за околу една недела од сега, потенцираше Груевски.

Премиерот потенцираше дека така се борат за Македонија и во времето на последните поплави.

-Додека Заев и Шеќеринска ги емитуваа креираните телефонски разговори, ние бевме тука во Новаци, во Могила, во Битолско, тука со вас, да помогнеме кога е најтешко, кога ви требаме, не само во арно, туку и во лошо...тоа е ВМРО ДПМНЕ, тоа сме ние, тоа е нашето вистинско лице, а не она кое Заев сака да го прикаже преку креираните разговори, истакна Груевски кој воедно додаде дека секоја година најмалку 5 до 6 земјоделски семејства од Битола, Могила и Новаци како поддршка за земјоделството добиваат во просек 10 милиони евра субвенции годишно.