Министерот Попоски на конференција во Виена
Министерот за надворешни работи Никола Попоски денеска во Виена ќе учествува на конференцијата посветена на „Борбата против џихадизмот-обликување на политика за превенција и реакција“.
Попоски на конференцијата учествува на покана од министерот за надворешни работи на Австрија Себастијан Курц и министерката за внатрешни работи на Австрија Јохана Микл-Лајтнер.
На конференцијата, на која учествуваат министрите за надворешни и за внатрешни работи од земјите од Западен Балкан, ќе се дискутира за борците кои од Европа заминуваат за Блискиот Исток и се борат на страната на ИСИЛ, како и за враќањето во нивните матични земји.
Министерот Попоски на конференцијата ќе ги презентира преземените и планирани активности на Република Македонија во борбата против глобалниот тероризам.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
