Европа го прогласи Даниел Кајмакоски за интернационален маж на мистеријата

Откако Даниел Кајмакоски го објави видеозаписот на евровизиската „Autumn Leaves“,Европа остана во прашалници, па така многу интернет портали ширум континентот почнаа да се интересираат и да прашуваат што е тоа што тој го крие.

Даниел даде објаснување дека всушност станува збор за тажна љубовна приказна од неговото детство, но дека приказната сепак не е завршена. Затоа тој побара помош од сите евровизиски фанови ширум Европа да му помогнат во одлуката што треба да му се случи на карактерот од спотот на крајот. Затоа почнете да размислувате!

Ирски евровизиски сајт, нашиот Даниел го прогласи на интернационалниот маж на мистеријата, не само поради спотот на кој тој се појавува на неколку секунди на самиот крај, туку и поради „специјалното изненадување“ кое тој го подготвува за на сцената во Виена.

Тимот на Даниел чува се во најголема тајност се додека не започнат пробите во Виена, а дотогаш имаме за што и да размислуваме, пишува на сајтот eurovisionireland.net

Целта е постигната. Цела Европа зборува за нашиот претставник и Македонија. Дали конечно ни се насмевнува среќата?

Извор: Вистина.мк