Време: Снегот се враќа во Македонија

Среда ќе биде воглавно облачен ден. Слаби врнежи наутро се очекуваат во крајните источни делови од земјата. Во повисоките предели од овој регион се очекува сосема слаб снег. Попладне освен на исток, сосема слаби, речиси беззначајни врнежи се можни локално и во западниот дел од земјата, пред се во повисоките предели.

Облачноста во текот на раните утрински часови ќе услови и нешто повисока вредност на минималната температура. Таа ќе има вредност околу 3°С низ поголем дел од населените места, освен на југоисток, каде утрото ќе биде малки потопло, со минимална околу 5°С. На повисоките места минималната температура ќе има вредност околу -1°целзиусов степен.

Денот ќе биде потопол во населените места од западната половина, како и во скопската котлина, со максимална околу 9°С. Малку постудената воздушна маса и облачноста над источниот регион, во овој крај ќе условат максимална температура само околу 6°С.

Во скопската котлина ќе преовладува облачно време, но со повремени сончеви периоди. Постои мала веројатност, во овој регион да има сосема слаб и краткотраен дожд.  Минималната температура ќе има вредност околу 3°С. Максималната температура ќе има вредност околу 9°С.