Прегазен пешак во Скопје

Во текот на изминатите 24 часа на подрачјето на Град Скопје се случиле осум сообраќајни незгоди во кои со полесни повреди се здобиле четворица возачи на патничко моторно возило, тројца сопатници и еден пешак.

Во текот на вчерашниот ден од страна на сообраќајната полиција откриени и санкционирани се 22 возачи кои не го почитувале ограничувањето на брзината на движење, од нив 11 возачи се движеле со брзина поголема од 90 километри на час во населено место, шест возачи кои го управувале возилото под дејство на алкохол и тие се исклучени од сообраќај, како и пет возачи кои не отстапиле првенство на минување на возилата во зона на крстосница.

Со помош на специјалното возило „пајак“ во текот на изминатиот ден од страна на сообраќајната полиција отстранети се 85 возила кои го попречувале нормалното одвивање на сообраќајот.

За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.